23 C
Скопје

Ефремовски ја чека својата шанса: Желбата е да ги добиеме натпреварите во Талин!

Виктор Ефремовски и во Талин ќе чека нова шанса да ги одигра првите официјални минути како сениорски репрезентативец на Македонија.

Беше дел од најдобрата репрезентација и во февруари, а и сега во Талин (Естонија) е во оние 12 кои ги одбра селекторот Александар Тодоров. Младиот бек-шутер на Работнички вели дека е подготвен за она што со себе го носи овој ноемвриски „прозорец“ на ФИБА.

– Ние сме веќе навлезени во натпреварувачки ритам. Зад мене имам седум натпревари, три во македонското првенство и уште четири во АБА2 лигата. Од таа гледна точка можам да кажам дека сум подготвен за тоа што следува во наредните неколку дена – рече Ефремовски.

Дефинитивно без Димитријевиќ на мечевите во Талин!

Мал хендикеп според Ефремовски е краткиот временски период за максимално воигрување:

– За жал поради ситуацијата со коронавирусот тренинзите во Скопје не ги одработивме со комплетниот ростер. Дури овде, во Талин, имаме можност да го формираме тимот и да тренираме сите заедно, односно со капитенот Стојановски и новиот соиграч Џејкоб Вајли. Времето е многу кратко, а ни следуваат тешки натпревари на кои ќе мора да дадеме сè од себе за победа – додаде македонскиот репрезентативец.

Во рок од три дена, од 28-30 ноември нè очекуваат средби со селекциите на Италија и на Естонија. Еве ги и неговите очекувања од овие два натпревари:

– Првиот противник со кој што ќе се соочиме на овој турнир е Италија, а потоа следува натпреварот со Естонија. Лично посакувам да направиме позитивен резултат. И на двата натпревари да излеземе како победници. Имам огромна желба за игра. И очекувам шанса, да излезам на терен и да го оправдам повикот во дресот со националните обележја – посакува одличниот шутер во нашата сениорска селекција.

Поврзани вести

ВИДЕО: Манчестер јунајтед е „крал“ на пресврти во Премиер лигата!

Слободен печат

Струга Трим Лум го испрати Вардар во Втората лига

Слободен печат

Хамилтон на две победи од јубилеј, светскиот шампион ја освои и „Каталуња“

Слободен печат

Ова долго се чекаше, конечно ќе се игра првиот фудбалски меч пред полн стадион

Слободен печат

ВИДЕО: Супер гол на Андонова против Еспањол и го прослави во стилот на Роналдо!

Слободен печат

ВИДЕО: Пандев стартер на „Луиџи Ферарис“, Сасуоло е пред Рома!

Слободен печат

Остави Коментар