Напаѓачот на Арсими, Шефит Шефити, ја продолжува кариерата во Обединетите Арапски Емирати, каде што до крајот на сезоната ќе настапува за екипата на Хата.

Шефити зад себе има одлична полусезона во Првата македонска фудбалска лига, во која постигна 11 погодоци на 12 натпревари и се истакна како еден од најдобрите поединци во шампионатот. Токму ваквите настапи му донесоа трансфер во странство.

Фудбалерот веќе стави потпис на договор со Хата, со важност до завршувањето на актуелната сезона. Со неговото заминување, Арсими значително ќе биде ослабен во вториот дел од првенството, а допрва ќе се види колку тоа ќе влијае врз резултатите на тимот.

Инаку, Шефити фудбалската кариера ја започна во Шкендија, а во текот на својата кариера настапуваше и за Ренова, Приштина и Беса, покрај Арсими.