Џорџ Клуни, чии филмови за џентлменот-крадец Дени Оушен ги потсети многумина на најновата кражба во парискиот Лувр, го опиша овој настан како кул, но истовремено и застрашувачки.

„Тоа навистина беше кул“, рече тој за списанието „Варајети“, но потоа се исправи и додаде дека тоа истовремено беше застрашувачки настан.

„Но кога сте професионален крадец како јас, тогаш навистина се гордеете со ваквите момци“, се пошегува Клуни, кој во филмската франшиза играше крадец што планира спектакуларни кражби.

Актерот се насмеа кога новинарот укажа дека многумина ја споредуваат кражбата во Лувр со настаните од филмовите за Дени Оушен.

„Навистина е забавно, бидејќи сè се случи среде ден, додека сите тие туристи беа таму“, рече тој, додавајќи дека гледал снимки од кражбата во Париз.

Клуни истовремено откри дека веќе е подготвен сценариото за најновиот дел Оушен 14.

За време на кражбата во Лувр минатата недела, четворица крадци однесоа вреден накит чија вредност е проценета на 88 милиони евра.
Полицијата за време на викендот уапси двајца осомничени за кражбата, потсетува весникот.