Против Русија е поднесена пријава до Меѓународниот кривичен суд во Хаг, која е најмасивна досега, изјави британскиот премиер Борис Џонсон, пренесува Би Би Си.

Џонсон напиша дека 38 земји го упатиле режимот на Владимир Путин на суд поради наводни воени злосторства извршени за време на инвазијата на Москва од страна на Украина.

„Ние сме кристално јасни дека Путин не може неказнето да ги изврши овие ужасни дејствија“, напиша Џонсон.

Секретарот за надворешни работи Лиз Трас на Твитер напиша дека руските војници „неселективно ги гаѓаат цивилите и ги уништуваат градовите низ Украина“.

„Истрагата на Меѓународниот кривичен суд за варварските дејствија на Русија е итно потребна и правилно е одговорните да одговараат. Обединетото Кралство тесно ќе соработува со сојузниците за да се осигура дека правдата ќе се исполни“, рече таа.