Џенифер Лоренс откри дека нејзиниот колега Роберт Патинсон не е пребирлив гостин. Актерката неодамна се појави во „Шоуто на Греам Нортон“, каде што зборуваше за својот колега од новиот филм „Умри, љубов моја“, пишуваат странските медиуми.

За време на гостувањето таа објасни дека ги поканила своите пријатели на ноќевање уште во декември. Сепак, додека Лоренс и нејзините пријатели го гледале филмот „Мали жени“, Роберт Патинсон ѝ испратил порака дека е во близина и таа му рекла да дојде.

„Роберт е како девојка. Како да сака да озборува“, рекла Џенифер на водителот Греам Нортон.

Кога Патинсон пристигнал, ја прашал дали има нешто да јаде, но целата храна што ја имала била веќе во ѓубре.

„Значи, додека тој беше во бањата, јас само вадев храна од ѓубрето, што ги шокираше моите пријатели. Но, тој ја јадеше, а сите ние само го гледавме како јаде ѓубре, а потоа кога ќе заврши, рече: ‘Сè уште сум гладен, дали има уште?’ Јас реков: ‘Па, има, но е во ѓубрето.’ Тој рече: ‘Не ми пречи’, а потоа само ja извади од ѓубрето и продолжи да јаде“, објаснила актерката.

Лоренс претходно зборуваше за Роберт Патинсон и за сцените со секс што ги снимија за филмот „Умри, љубов моја“. Во оваа психолошка драма режирана од Лин Ремзи, Лоренс и Патинсон се прикажани како брачен пар. Низ целата приказна, нивниот брак се распаѓа откако жената почнува да страда од постпородилна депресија.

„Умри, љубов моја“ премиерно беше прикажан на Канскиот филмски фестивал, по што публиката го награди со шестминутни овации. Филмот ќе се прикажува во кината од 7 ноември.

Џенифер Лоренс го осуди тоа што се случува во Газа и ги критикуваше политичарите: „Тоа не е ништо помалку од геноцид“