Џејсон Момоа и Лиза Бонет се разделуваат: Актерската двојка ја споделија веста на поетичен начин

џејсон момоа Лиза Бонет
Лиза Бонет и Џејсон Момоа / Фото: EPA-EFE

Џејсон Момоа, познат по улогите во „Aquaman“ и „Game of Thrones“ и неговата сопруга, актерката Лиза Бонет се разделуваат.

42-годишниот актер ја потврди веста на својот инстаграм-профил објаснувајќи им на своите бројни следбеници и обожаватели дека одлуката била заедничка.

„Сите сме се променивме во ова предизвикувачко време. Се случува револуција и нашето семејство не е исклучок. Се чувствуваме како да растеме низ сеизмичките поместувања што се случуваат и затоа ја споделуваме семејната вест за разводот. Не го споделуваме затоа што мислиме дека е важна вест, туку сакавме тоа да го направиме достоинствено и искрено. Љубовта меѓу нас продолжува и ќе се развива на начинот на кој сакаме. Ослободени еден на друг да бидеме она што го учиме да станеме.Нашата посветеност кон светиот живот и децата е непоколеблива. Ги учиме децата колку што е можно повеќе. Ја живееме молитвата. Љубовта нека надвладее“, објаснија актерите во својата заедничка објава.

џејсон момоа лиза бонет
Џејсон Момоа и Лиза Бонет / Фото: EPA-EFE/ETIENNE LAURENT

Момоа и Лиза беа заедно од 2005 година и се родители на две деца. Судбоносното „да“ го кажаа на тајна венчавка во 2017 година.

„Кога имав осум години ја видов Лиза на телевизија и реков: „Мамо, ја сакам“, се пошегува актерот Момоа кога беше гостин во „The Late Late Show“ во септември 2017 година. „Размислував да ја следам до крајот на мојот живот и како во еден момент ќе стигнам до неа“, додаде Аквамен.

 

View this post on Instagram

 

A post shared by dgb • Dina Giddio (@dgbeans)

Во истото интервју Џејсон откри како тој и Лиза се запознале преку заеднички пријатели во еден џез клуб. И двајцата делеле голема љубов кон Гинис, па така се зближиле.

 

View this post on Instagram

 

A post shared by Jason Momoa (@prideofgypsies)

Видео на денот