Џесика Симпсон и Ерик Џонсон сè уште живеат заедно во нивниот дом во Хиден Хилс, Калифорнија, иако поминаа две години од нивниот развод. Извор близок до поранешниот пар за „Пипл“ открил дека тие и натаму живеат во семејната куќа, но сакаат да се ослободат од имотот и да го пронајдат најдобриот начин да продолжат понатаму по разводот.

„Работат на продажба на куќата. Нивната цел беше сè да остане што е можно постабилно поради децата. Сè уште имаат одличен однос. Нивниот главен фокус се децата, но полека се движат кон следни чекори“, рекол изворот.

Исто така се наведува дека Симпсон моментално е фокусирана на своите деца, музиката, кариерата и враќањето на работа.

Симпсон и Џонсон првпат ја ставиле куќата на продажба во јануари минатата година, само неколку дена пред пејачката да потврди дека се разведуваат.

Нивниот дом бил проценет на 17,9 милиони долари, а последен пат бил повлечен од листата на недвижности во јануари оваа година. Симпсон претходно за „Пипл“ изјави дека разводот од Џонсон бил многу болна ситуација.

„Живеевме одвоено и се справувавме со болната ситуација во нашиот брак. Нашите деца ни се на прво место и се фокусираме на тоа што е најдобро за нив. Благодарни сме за целата љубов и поддршка што ја добивме и ја цениме приватноста додека се справуваме со ова како семејство“, изјави таа.

Иако се разведени, Симпсон и Џонсон останале во пријателски односи. Минатата година заедно го прославиле Денот на благодарноста, а Симпсон тогаш за изјави дека семејството секогаш ќе ѝ биде на прво место.