Две деца на возраст од 12 и 13 години се повредени во сообраќајна несреќа кај селото Конче, радовишко. Според информациите, несреќата се случила кога дошло до судир меѓу двата мотоцикла кои ги управувале децата.

На 18.04.2026 во 16:00 часот во ОВР Радовиш е пријавено дека во с.Конче, радовишко, се случила сообраќајна несреќа помеѓу два мотоцикли, управувани од 12-годишник и 13-годишник, двајцата од с.Конче. Во несреќата со тешки телесни повреди се здобил 13-годишникот, додека 12-годишникот се здобил се телесни повреди, констатирани во Клиничка болница Штип и ЈЗУ Здравствен дом Радовиш. Извршен бил увид од увидна екипа од ОВР Радовиш, соопштија од МВР.

Полицијата извршила увид на местото на настанот, а се преземаат мерки за целосно расчистување на случајот.