Двајца пациенти добиваат пресаден бубрег, срце никој не прифатил да прими

Ова е втор пат во последните месеци да имаме трансплантација на органи од пациент во мозочна смрт.

Во моментов на Клиниката за урологија во тек е уште една трансплантација на бубрези од пациент во состојба на мозочна смрт. Едниот бубрег се трансплантира на 35 годишна пациентка, а втората трансплантација ќе се изведе по завршување на првата.

Донорот на органите е 46 годишен пациент кај кој вчера била потврдена мозочна смрт. Семејството на донорот дало согласност да се трансплантира и неговото срце, но тоа не се случило, бидејќи како што неофицијално дознаваме потенцијалните приматели на органот не прифатиле да се трансплантираат иако двајца од нив се во тешка состојба и се највисоко на листата на пациенти кои чекаат трансплантација на срце.

Трансплантација им била понудена уште на двајца кои се на оваа листа, но и тие не се согласиле.

Ова е втор пат во последните месеци да имаме трансплантација на органи од пациент во мозочна смрт. Во претходниот случај беа предадени 2 бубрези од кои едниот беше отфрлен и срце. Пациентот кој го прими срцето во стабилна здравствена состојба беше пуштен на домашно лекување. Тоа беше прв случај на трансплантација на срце кај нас.

Видео на денот