Двајца млади луѓе се уапсени вчера попладне во кругот на Скопскиот аеродром, а полицијата ги уапсила под сомневање дека тие неовластено влегле во воен објект и правеле скици или цртежи на воени објекти и борбени средства, соопшти МВР.

„На 11.04.2023 околу 15 часот на Меѓународниот аеродром Скопје, полицајци уапсиле две лица: Е.А. (32) и Е.Б. (31), поради основи на сомнение за сторено кривично дело неовластено навлегување во воени објекти и правење скици или цртежи на воени објекти и борбени средства“, пишува во кусото полициско соопштение.

Двајцата осомничени биле задржани во полициска станица, за случајот е известен јавен обвинител и по целосно документирање на случајот против нив ќе биде поднесена соодветна пријава, додаваат од МВР.