Пред последното коло од групната фаза на Лигата на шампионите, 12 клуба се пласираа во осминафиналето, а додека осум клуба ќе се борат за преостанатите четири места, два ќе се обидат да го избегнат неславниот рекорд на Динамо Загреб на македонските репрезентативци Стефан Ристовски и Аријан Адеми.

Поминаа повеќе од 10 години од сезоната 2011/2012 кога „модрите“ ги загубија сите шест натпревари во групата со Реал, Лион и Ајакс со гол разлика од -19 (3-22), а сега Викторија Плзен и Ренџерс се на „добар“ пат да се сруши тој неславен рекорд.

Шкотскиот шампион е во групата „А“ (Наполи, Ливерпул, Ајакс) без бод со гол разлика -18 (1-19), додека шампионот на Чешка е на -17 (3-20) во конкуренција со Баерн, Барселона и Интер.

Двата клуба ќе бидат домаќини во последното коло, Ренџерс ќе биде домаќин на Ајакс, а Викторија ќе ѝ гостува на Барса.

Пласман во следната фаза на ЛШ обезбедија Баерн Минхен, Челси, Манчестер сити, Интер, Борусија Дортмунд, Ливерпул, Наполи, Клуб Бриж, Порто, Реал Мадрид, ПСЖ и Бенфика.

ВИДЕО | ЛШ: Драма и елиминација на Атлетико со промашен пенал во 98. минута, 70 минути за Елмас во тримуфот на Наполи