Два авиони се судрија во Кенија, двајца мртви
Два авиони денеска се судрија во воздушниот простор над Најроби, главниот град на Кенија, при што едниот авион, кој бил помал се урнал во националниот парк, при што загинаа две лица кои се наоѓале во него, соопшти полицијата.
Поголемиот авион на компанијата „Сафарилинк“, со 39 патници и пет членови на екипажот, се упатил кон морското одморалиште Диани кога екипажот пријавил судар во воздух и силен удар веднаш по полетувањето од аеродромот „Вилсон“ и решил да се врати назад, каде што слета безбедно, соопшти авиокомпанијата.
Во полицискиот извештај се наведува дека поголемиот авион се судрил со едномоторна „Цесна 172“ со две лица кои биле на обука и кои загинале во инцидентот. Властите ги истражуваат причините за овој инцидент, се вели во соопштението на полицијата.