Во скопските општини Чаир и Сарај речиси и да нема интерес за денешното гласање за градоначалник на Град Скопје. Според податоците до 15 часот, излезноста е значително пониска во споредба со првиот изборен круг, кога веќе беа избрани градоначалници на овие општини.

Во Сарај до 15 часот гласале само шест отсто од запишаните избирачи, односно 2.058 граѓани. Во првиот круг, пак, во истиот термин своето право на глас го искористиле 36,32 проценти или 12.454 гласачи.

Слична е состојбата и во Чаир, каде што излезноста до 15 часот изнесува 8,83 проценти, односно 5.148 гласачи, додека во првиот круг во истиот период гласале 20.773 граѓани, што претставува излезност од 35,65 отсто.