Женската ракометна репрезентација на Норвешка излезе како победник во драмата во „Стожице“ и ќе остане на тронот на Европа откако ја победи Данска со 25:27.

Норвешка пред натпреварот важеше за благ фаворит, но во најголем дел од натпреварот денес данските ракометарки имаа водство. По десет минути игра Данска со добрата игра дојде до водство од 7:3. Таа предноста од три-четири гола Данска ја одржуваше до крајот на првиот дел и на пауза заминаа со 15:12.

Првата половина од второто полувреме помина во исто темо, а во завршницата Норвешка започна да игра подобро и да се враќа во натпреварот. Од 22:18 за Данска Норвешка со серија од 4:0 дојде до изедначување и тоа се покажаа како клучни минути на натпреварот.

По тоа изедначување на Норвежанките, Данска поведе само уште еднаш (23:22). Завршницата од натпреварот и припадна на Норвешка која со серија од 3:0 во последните минути ја обезбеди победата. Данска се одржуваше во живот до 24:24, односно до последните пет минути од натпреварот.

Во редовите на Норвешка Нора Морк со осум гола и Бреистол со четири беа најефикасните. Кај Данска Бургард беше прв стрелец со шест гола. Претходно денес во натпреварот за бронза Црна Гора ја изненади Франција.