Инцидент со закани и со агресивно однесување се случил на 20 декември, во пехчевското село Црник, кога полициска интервенција при контрола на дрвна маса прераснала во тензична ситуација. Момче, на 20-годишна возраст, кое било жител на селото, се однесувало агресивно кон полицајците.

При контролата, полицијата утврдила дека дрвната маса е нежигосана и без соодветна документација, по што осомничениот се обидел да ја запали.

Дрвокрадец со автомобил прегазил девојче во Чучер

Како што информираат од полицијата, целта на обидот за опожарување била да се уништат доказите и да се спречи или да се отежне докажувањето на утврдените неправилности.

По целосното расчистување на настанот, ОВР Берово поднесе кривична пријава за загрозување на сигурноста против момчето, за спречување службено лице во вршење службено дејствие и за попречување на докажувањето.