Навивачот кој расистички го навреди фудбалерот од Гана од екипата на Борнмут, Антоан Семењо, за време на натпреварот помеѓу Ливерпул и Борнмут во петокот, доби забрана за присуство на стадионите во Велика Британија, соопшти полицијата во понеделник.

47-годишниот човек од Ливерпул беше исфрлен од стадионот откако натпреварот беше прекинат и беше уапсен во саботата.

Англиската полиција го ослободи, забранувајќи му „да присуствува на кој било фудбалски натпревар во Велика Британија“, па дури ни на 1,6 км од фудбалски стадион, се вели во соопштението.

Истрагата е во тек, а полицијата соработува со клубот.

Натпреварот Ливерпул-Борнмут беше прекинат во 29 минута откако Семењо го извести судијата дека бил подложен на расистички навреди од трибините.