По вчерашните дојави во Сараево, денеска имаше дојави за бомби и во Загреб, каде беа евакуирани неколку трговски центри. Полицијата потврди дека примила закани за можни експлозивни направи и веднаш започнала со безбедносни проверки на локациите, пренесе ХРТ.

Според првичните информации, евакуација била спроведена во повеќе објекти, меѓу кои и големи трговски центри во градот –  „Арена центар“, „Авенју мол“ и „Сити центар“.

Засега нема официјална потврда дека е пронајдена бомба, ниту пак информации за повредени лица.

Според локалните хрватски медиуми, дојавите биле испратени по електронски пат.

Очевидци наведуваат дека околу 8 часот се слушнале аларми и дека полициски службеници биле поставени на влезовите на објектите, со цел да се обезбеди просторот и да се спроведе проверка.

Се очекуваат повеќе информации по завршување на безбедносните проверки.

Инаку, дојави за бомби вчера утрото имаше и во најмалку четири основни и средни училиште во Сараево. Претходно исто и во два тамошни трговски центри.

Вработените го виделе мејлот по 10 часа: Дојава за бомби во неколку трговски центри во Сараево