До 9 часот гласале 2,88 отсто од граѓаните во земјава — најмногу гласачи во Пробиштип, најмалку во Чаир и во Сарај
До 9 часот гласале 22.379 граѓани, што претставува излезност од 2,88 отсто на ниво на цела држава, што е помала од првиот круг во кој беше 3 отсто.
Препорачано
Сите избирачки места се навреме отворени и гласањето се одвива без потешкотии, соопшти претседателот на Државната изборна комисија, Борис Кондарко.
– Единствено во избирачкото место 0385 во Општина Дојран имаше краток прекин поради технички проблем со смарт-картичката на уредот, но проблемот е надминат и гласањето продолжи непречено. Никакви други неправилности, приговори или потешкотии не се регистрирани – изјави Кондарко.
Тој најави дека членовите на ДИК ќе излезат на терен за да извршат ненајавени контроли на избрани гласачки места, со цел да се обезбеди поголема транспарентност и надзор на изборниот процес. И по завршувањето на гласањето по 19 часот, ДИК ќе биде присутна на некои од избирачките места за да го следи и процесот на броење на гласовите.
Излезност по општини до 9 часот:
Според официјалните податоци објавени во живо од ДИК, највисока излезност досега има во Пробиштип (9,5%), Лозово (8,36%), Ранковце (8,12%), Конче (7,37%) и Демир Капија (7,16%).
Следуваат Дојран (6,78%), Крушево (6,71%), Росоман (6,28%), Чешиново-Облешево (5,87%) и Зрновци (5,67%).
Нискa излезност е забележана во Карпош (3,08%), Центар (2,84%), Аеродром (2,72%), Гази Баба (2,68%), Тетово (2,51%), Бутел (2,5%), Гази Баба (2,68%), Студеничани (2,26%), Куманово (2,13%), Боговиње (1,83%), Шуто Оризари (1,6%), Дебар (1,45%), Чаир (1,09%), додека во Сарај е најниска – само 0,72%. За Струга во овој момент нема објавени податоци.
