Димитров: Последниот процес од затворање на македонското прашање ќе бидат билатералните односи и развивање на пријателството со Бугарија

Билатералните односи со соседна Бугарија, односно развивање на пријателството и оттргнување на сите идентитетски предизвици, ќе бидат последниот процес од затворањето на македонското прашање, смета министерот за надворешни работи Никола Димитров.

Во „Утрински брифинг“ на „Слободна ТВ“, Димитров потенцираше дека НАТО и ЕУ се двата големи меѓународни субјекти кои помагаат во тоа.

-Последниот процес од затворање на македонското прашање ќе бидат билатералните односи и развивање на пријателството со Бугарија, на начин да ни ги тргне сите идентитетски предизвици. Процесот почна со Договорот за добрососедство и од наша и од нивна перспектива мора да се почитуваме вредностите на другиот. НАТО членството вели дека ќе има држава на оваа територија, а почетокот на ЕУ ќе ни помогне да си ја средиме куќата дома и со средување на односите со Бугарија, ќе завршиме суштинска и историска мисија, рече Димитров.

Во однос на неговото прво полноправно учество на состанок во рамките на НАТО, Димитров вели особено му е драго затоа што 20 години е дел од патот кон Алијансата, а сега за прв пат разговарал со останатите 29 колеги, не за македонската кандидатура туку за други светски проблеми.

Прочитајте и...  Амбасада на САД во Косово повика да се почитува одлуката на Уставниот суд во врска со новата влада

Солидарноста, односно борбата против вирусот Ковид 19 е еден од тие глобални проблеми.

-НАТО преку својот механизам за помош на некој начин има улога на координативен центар меѓу барањата и потребите на земјите членки и тие што можат да овозможат помош, преку мехнизмот овозможуваат. Нашата прва стигна од Норвешка, механички респиратори, а денеска попладне во Скопје ќе слета турски авион со помош оттаму. Претходно Унгарија, Словенија, САД, Холандија дадоа помош во здравствениот систем. ЕУ излезе со пакет од 400 милиони евра за Западен Балкан, околу 70 милиони за нашата држава, за економските последици, изјави Димитров.

Министрите во рамките на НАТО зборуваа и за борбата против лажните вести, а Димитров побара будност и внимателност од граѓаните бидејќи во вонредна состојба, плодно е тлото за ширење на лажни вести.

-Литванија понуди конкретна помош, една од државите кои има искуство при справувањето со лажните вести…не е едноставно справувањето со овој феномен, бара будност и внимателност кај граѓаните, институциите, новинарите. Не се што ќе прочитаме е точно, мора да се препровери особено во ваква една вонредна состојба кога е плодно тлото за лажни вести. На пример денот кога САД го ратификуваше Протоколот за Северна Македонија, на социјалните мрежи имаше разни небулози околу 5Г мрежата, некаков обид да се покрие убава вест, посочи министерот.

Прочитајте и...  Огромен пропуст: Психијатриска болница во Велс по грешка отпуштила повеќе од 1.600 пациенти

Тој соопшти дека иницирал заедничко писмо со министрите за надворешни работи од регионот, Западен Балкан да биде изземен од посебниот режим за извоз на заштитни маски и  скафандери.

-Никој не знае колку точно ќе трае пандемијата и мислам дека со тек на време ќе се зголеми и солидарноста. Овој вирус не можеме да го стопираме во една држава и така да го прекинеме. Ќе мораме како регион, континент и човештво да си помагаме за да ставиме точка на оваа вонредна состојба. Ги зајакнуваме домашните капацитети за заштитни маски. Ако ги задоволиме нашите потреби, зошто да не помогнеме и надвор, изјави министерот.

Воедно Димитров информираше дека МНР заклучно со вчера има посредувано при враќањето на 2.479 граѓани, а во петок ќе се враќаат граѓани од Франција и Белгија, а преку Бугарија уште 35 Македонци од Абу Даби.

Прочитајте и...  Палмер: Турција да ги намали тензиите на грчко-турската граница кај Александополис

-Темпото на оваа операција мора да биде сразмерно со капациетот на државниот карантин. Нема да престанеме со овие напори, приоритетно беше да се помогне на луѓето во најочајна состојба. Ќе продолжиме да ги користиме транзитните рути преку Грција и Бугарија. Имаме многу студенти во Турција. Дел се со решена ситуација, дел не се и имаме операција, ги евидентираме и со тек на време гледаме да видиме кој сака да се врати во државата. Ниту една земја нема вакво искуство, секое министерство за надворешни се соочува со нешто што претходно не се случувало. Се прават организации, си помагаме, потенцираше Димитров.

 

Прочитај повеќе

Бектеши: Келнерите, менаџерите или управителите на угостителските објекти немаат право да ги легитимираат гостите

Слободен печат

Европскиот суд за човекови права пресуди во полза на Македонците во Бугарија

Слободен печат

Светски лидери повикаа за поголема соработка во светот по пандемијата

Слободен печат

ВМРО-ДПМНЕ: Состојбата во војската е загрижувачка за земја членка на НАТО

Слободен печат

Четири западни земји ја осудија Кина поради наметнување на свои закони на Хонгконг

Слободен печат

САД со поддршка од 2,9 милиони евра за Грција за справување со миграциското прашање и Ковид-19

МИА Агенција

Остави Коментар

Прочитај повеќе

Починал, го погребале без протокол за Ковид 19, па позитивниот брис стигнал по закопот

Дачиќ – Димитров разговарале за олеснување на рестриктивните мерки меѓу Србија и Македонија

Слободен печат

БиХ ги отвора границите за граѓаните на Србија, Хрватска и Црна Гора

Слободен печат

Граѓаните задоволни од укинувањето на полицискиот час, угостителските објекти почнаа со работа (ФОТО+ВИДЕО)

Михаило Донев

ЗНМ најостро ги осудува заканите кон новинарската екипа на ТВ Клан

Слободен печат

Пандемијата остави без работа над 40 милиони Американци

Слободен печат