14-годишно девојче од Струмица, кое вчера било пријавено како исчезнато од домот во кое престојувало во Охрид, е пронајдено во Скопје, информираат од Министерството за внатрешни работи.

„На 22 август, Е.А. (45) од Струмица пријавил дека неговата 14-годишна ќерка Ј.А. исчезнала од домот два дена претходно. Според пријавата, на 21 август добил порака преку социјалната мрежа „Фејсбук“ од женско лице од Скопје, кое му кажало дека девојчето се наоѓа во нејзиниот дом, дека таму дошло доброволно и дека ќе било мажено за братот на тоа лице“, пишува во соопштението.

Таткото изразил сомнеж дека девојчето само отпатувала за Скопје бидејќи немало пари кај себе, и дека всушност било измамено и однесено во главниот град.

„По преземени мерки и активности, девојчето било пронајдено во Скопје, а во полициска станица бил извршен службен разговор со Р.Б. (20) од Скопје, поради сомнение дека е вмешана во случајот. По целосно документирање на случајот, против неа ќе биде поднесена соодветна кривична пријава“, велат од полицијата.