Голманот на Реал Мадрид и белгиската репрезентација, Тибо Куртоа, заработи повреда, поради што нема да настапи на претстојните квалификациски натпревари за Светското првенство.

Во моментов не е позната сериозноста на повредата, ниту колку долго ѕвездениот голман ќе биде надвор од терените, но јасно е дека селекторот на Белгија нема да може да смета на него за дуелите против Казахстан и Лихтенштајн.

Куртоа со години важи за еден од најдобрите голмани во светот, а во последниот период е меѓу најважните играчи на „кралевите“, особено во моментите кога тимот се наоѓа во мини криза – по поразот од Ливерпул во Лигата на шампионите и ремито 0:0 против Рајо Ваљекано.

Оваа сезона Куртоа не пропушти ниту минута ниту во дресот на Реал Мадрид, ниту на белгиската репрезентација, што ја прави повредата уште поголем удар за тренерот Чаби Алонсо.