Дебата за владеење на правото и реформите во правосудниот систем на Министерскиот форум ЕУ – Западен Балкан
Во Скопје денеска се одржува Министерскиот форум за правда и внатрешни работи, под покровителство на Шпанското претседателство со Европската Унија.
Како што соопштија од Министерството за правда, денешната прва сесија ја отвори министерот Кренар Лога заедно со министерката за правда на Кралството Шпанија Мариа Пилар Лоп Куенка и Комесарот Дидиер Рејндерс.
На сесијата ќе се дискутира за владеење на правото и реформите во правосудниот систем. Во рамките на првата сесија акцентот ќе биде ставен на зајакнување на довербата на граѓаните во правосудниот систем и за важноста и придонесот на регионалните проекти во спроведување на клучните реформи во правосудството – велат од Министерството.
Фокусот на втората сесија ќе биде насочен кон заедничката акција за воената агресија против Украина и заедничките координативни активности што ги спроведува Еуроџаст.