Норвешката полиција соопшти дека данскиот државјанин кој минатата недела уби пет лица, а повреди тројца други, исто така во нападот со лак и стрела употребил ладно оружје.  

Полицискиот инспектор Пер Томас Омхолт рече дека 37-годишниот Еспен Андерсен Братен најверојатно прво ги повредил жртвите со стрели, а потоа ги избодел до смрт со ладно оружје, пишува АП.  

„Користел и ладно оружје“  

„Кога станува збор за оружјето, претходно изјавивме дека напаѓачот користел лак и стрела. Но, тој исто така користел и остар предмет, најверојатно нож, но не сакаме да излеземе со информации за каков вид на ладно оружје се работи, бидејќи се уште ги немаме прашано сите сведоци“, рече Омхолт.  

Да потсетиме, Андерсен Братен во средата во градот Конгсберг, кој има околу 28 илјади жители и се наоѓа југозападно од Осло, уби пет лица. Норвешката агенција за национална безбедност подоцна објави дека се работи за терористички акт. 

ФОТО+ВИДЕО: Маж уапсен откако со лак и стрела убил и ранил неколку лица во Норвешка

Исламизираниот Данец, кој со лак и стрела направи масакр во Норвешка, ги призна убиствата