Последното коло од австрлиската втора лига донесе многу голови, толку многу што сериозно се раѓаат сомнежи за местенки на одлучувачкиот натпревар.

Екипите на Рид и Клагенфурт беа лидери на табелата со ист број на бодови во пресрет на последното коло, со тоа што Рид имаше подобра гол разлика за само еден гол, а една екипа влегува во австриската Бундеслига.
Клагенфурт победи со 6:1, но сомнежите се за натпреварот на Рид кој славеше со дури 9:0.

Веќе во првите 20. минути Рид водеше со 4:0 против Флоридсдорфер, а головите паѓаа како на филмска лента поради што се најавени жалби.
„Свесни сме дека разочаравме многумина. Сакаме да се извиниме поради непрофесионалната игра на нашиот тим. Сепак, ги отфрламе обвинувањата кои кружат дека натпреварот е наместен. Во наредните неколку денови ќе ги анализираме натпреварот“, стои во соопштението на Флоридсдорфер.

Тренерот на Клагенфурт, Роберт Михе се пожали дека Флорисдорфер пуштил дури пет фудбалери на одмор.
– Ние само што ќе постигнеме гол, веднаш постигнуваше и Рид – многу интересно – изјави Михе.
Дали фудбалерите на Флоридсдорфер намерно му пуштија на Рид или домашниот тим беше предобар, проценете сами.