Петнаесетгодишно момче почина од бубонска чума во Монголија, а десетина луѓе кои биле во контакт со него се во изолација.

Русија и Кина, минатата недела предупредија дека дошло до ширење на „црната смрт“.

Неименуваниот тинејџер добил висока температура откако јадел месо од мрмот со двајца пријатели. Починал три дена подоцна, пренесе Дејли мејл.

Бубонска чума е бактериска болест која ја шират болви кои живеат на глодачите како што е мрмот. Убива за помалку од 24 часа доколку не се реагира веднаш.

Детето починало во западната монголиска провинција Гови-Алтаи, соопшти Националниот центар за зоонотски болести.

Два случаи на чума се неодамна забележани во блиската провинција Ковд, а стотина луѓе се вакцинирани.