Црна Гора јавно ќе ги објавува имињата на лицата во самоизолација
Владата на Црна Гора објави дека Националното тело за координација со заразни болести ќе почне да ги објавува идентитетите на лицата во самоизолација.
„Секој граѓанин нека знае кој од соседите и сограѓаните поради недисциплината го доведува во
опасност“, истакнуваат од телото за координација.
Причина за оаа одлука се примерите ширум светот каде може да се забележи недостаток на дисциплина на граѓаните во однос на придржување на препораките за заштита и самоизолација.
„Затоа никој нема право поради својата недисциплина да ве загрози вас и вашите најблиски. Задачата е сите да бидат дисциплинирани и да повикуваат, поттикнуваат и да ги опоменуваат на тоа и другите“, порачуваат од телото за координација.
Црна Гора е последна држава во регионот која регистрираше прв случај со коронавирус, а бројката на пациенти заразени со Ковид-19 до денеска достигна 16 лица.