Владата на Црна Гора ќе го укине безвизниот режим за граѓаните на Турција во понеделник – по итна постапка, објави премиерот Милојко Спајиќ доцна вечерта во неделата на социјалната мрежа X.

„Ќе започнеме интензивни разговори со Турција со цел да го пронајдеме најдобриот модел во заеднички интерес, во духот на добрата соработка и сојузништвото“, изјави Спајиќ.

Sjutra po hitnoj proceduri donosimo odluku o privremenom ukidanju bezviznog režima za državljane Turske. U cilju očuvanja ekonomske aktivnosti i dobrih bilateralnih odnosa, u narednom periodu iniciraćemo intenzivne razgovore sa Republikom Turskom kako bi u duhu dobre saradnje i…

— Milojko Spajić (@MickeySpajic) October 26, 2025

Оваа одлука на црногорската влада следи откако во тепачка во подгоричката населба Забјело турски државјани избодеа младo момче.

Жителите на подгоричката населба Забјело се собраа синоќа на протест откако група турски државјани нападнаа и избодоа еден нивен сограѓанин претходната ноќ. Во исто време, црногорската полиција спроведе рации и приведе 45 турски државјани, пренесе Побједа.

ВИДЕО | Рации и апсења во Подгорица откако Турци избодеа млад човек, граѓани се собраа на протест

Од вкупно приближно 100.000 странци во Црна Гора, 13.400 се турски државјани, според официјалните полициски податоци. Мнозинството се државјани на Србија и Русија, вкупно околу 50.000.

Патем, Турција е меѓу земјите чии визи беа укинати од Црна Гора, поради што Европската комисија ѝ наложи на Подгорица да ја усогласи својата визна политика со Европската Унија. На турските граѓани им е потребна виза за влез во земјите од ЕУ.