Владата на Црна Гора го укина привременото суспендирање на безвизниот режим за граѓаните на Турција, со што дозволениот престој беше намален од 90 на 30 дена, пренесува Н1.

Ова е мерка за спречување на нелегалната миграција, а со цел да се усогласи со визната политика на Европската Унија, соопшти Владата.

„Во материјалот што го дискутираше Владата денес, се наведува дека соработката со турските власти е подобрена, со спроведување на зголемени безбедносни и миграциски проверки. Одлуката предвидува намалување на дозволениот престој од 90 на 30 дена, со напомена дека во случај на проценка на безбедносните ризици, визниот режим може да се врати“, се вели во соопштението.

Како што беше нагласено, порестриктивната визна и миграциска политика се применува со цел спречување на нелегалната миграција и зајакнување на контролата на влезот и престојот на странски државјани.

Дополнително, беше одлучено дека до 15 јануари ќе се воведе визниот режим за граѓаните на Азербејџан.

„Членовите на Владата изјавија дека Министерството за внатрешни работи и Управата за полиција ги спроведоа сите активности предвидени со заклучоците на Советот за национална безбедност во врска со нелегалната миграција. Исто така, Одлуката е дел од поширок пакет мерки за хармонизирање на визната политика со Европската Унија, што вклучува и прилагодување на визната политика во однос на трети земји, во овој случај Азербејџан, која ќе биде хармонизирана до 15 јануари“, се вели во владиното соопштение.

Се додава дека со цел да ги исполни своите обврски кон членството во ЕУ, Владата на Црна Гора во наредниот период ќе продолжи со активности за целосно хармонизирање со визната политика на Европската Унија.

Речиси 9.000 Турци ја напуштија Црна Гора по инцидентот со избодениот Црногорец