Вистински циркус настана околу ситуацијата на Роџерс Мато во Вардар во последните 24 часа.

Откако вчера шкотски Хартс објави дека постигнал договор со Мато, кој според него по истекот на договорот со Вардар налето треба да се пресели во Шкотска, денеска од „црвено-црниот“ табор пристигнаа сосема поинакви вести.

Вардар официјално соопшти дека ја прифатил понудата за Мато од американскиот тим Спортинг Канзас Сити, член на МЛС лигата.

„ФК Вардар АД реши да ја прифати милонската понуда од екипата на Спортинг Канзас Сити од Канзас САД. Клуб што се натпреварува во најсилната MLS фудбалска лига во САД. Останува сега Канзас и Мато да ги договорат условите под кои тој ќе настапува таму. За очекување е плата од околу 40.000 долари месечно, плус бонуси“, објави Вардар.

Дополнително, од клубот информираа дека 20 проценти од трансфер-сумата ќе ѝ припаднат и на Брера. Како потврда на сериозноста на преговорите, Вардар објави и фотографии од средбите со претставниците на Канзас Сити.

Вардар како доказ за понудата и разговорите со Канзас објави и фотографии.