Крис Биен (56) шетала по плажата во Есекс, Англија, кога забележала необична „брановидна линија“ во песокот. Таа се приближила и сфатила дека открила нешто посебно.

Оваа жена е страстен „ловец на фосили“, а овој пат имала неверојатна среќа. Таа пронашла, ни помалку ни повеќе, туку заб на степски мамут!

Плажите во Северен Есекс се познати по своите фосилизирани богатства, но Крис била секако изненадена.

– Го видов како ѕирка од песокот и помислив дека можеби е заб. Копав со рацете, бидејќи беше длабоко во песокот – објаснила Крис.

Забот е целосно фосилизиран, долг 17 сантиметри и тежок околу два килограми, пишува „Њујорк пост“.

Chris Bien, 56, found this mammoth tooth on the beach in Holland-on-Sea😲

The large fossil measures six-and-a-half to seven inches in depth and width 🦷

‘I was absolutely thrilled because that’s the one thing on my bucket list,’ said Chris ✅

Read more: https://t.co/f5XlqNoz7C pic.twitter.com/WWWTonchoz

— The Gazette (@TheGazette) March 25, 2024

Степски мамут талкал по Земјата пред 1,8 милиони години, а Крис верува дека пронашла само половина од забите.

Таа планира да го потопи во дестилирана вода, неколку недели, пред да го конзервира со лепак и етанол.

– Сакам луѓето да знаат за богатата историја на овие простори. Наша должност е да пријавиме вакви откритија, но би сакала да го задржам и да и го покажам на јавноста – рекла Крис, член на археолошкото друштво Хаув.