Познавањето на симптомите со кои вашето тело ви кажува дека нешто не е во ред со вашето здравје може да ви помогне да останете во тек со потенцијалните здравствени проблеми. Симптомите често може да се откријат со појавата и текстурата на различни телесни секрети како што се пот, урина, слуз и крв.

Пот

Потта се состои главно од вода, а може да содржи и уреа, витамин Ц, млечна киселина или амонијак. Според нутриционистката Фелисија Столер, потењето е всушност природен механизам за ладење на вашето тело. Но, во некои случаи, може да ви испрати јасни сигнали дека вашето тело не работи правилно.

Наглото потење може да биде знак за сериозни болести како што се срцев удар, дијабетес, хормонални промени и рак. Ако претерано се потите, најдобро е да го посетите вашиот лекар за да го решите проблемот.

Крв

Крвта е одговорна за отстранување на отпадот од бубрезите и црниот дроб и доставување на кислород до остатокот од телото преку хемоглобинот кој се наоѓа во црвените крвни зрнца. Крвта може да укаже на анемија или висок крвен притисок.

Затоа е неопходно да се проверат симптомите како што се: вртоглавица, пот, отежнато дишење, губење на тежината, замор, висока температура, ноќно потење и губење на апетит.

Слуз

Мукозните мембрани на вашиот нос произведуваат неверојатна количина слуз секој ден, која делува како заштитна бариера, филтрирјќи го воздухот што го дишете за да го заштити од влезната прашина и бактерии. Бојата на слузот може да открие дали сте болни или не.

Чистата слуз е нормална и обично значи дека не сте болни, но ако од вашиот нос претерано тече проѕирна слуз, тоа може да значи дека имате алергии како поленска треска. Жолтата слуз покажува дека вашата болест се развива и дека имунолошкиот систем се бори против инфекција.

Зелената слуз се јавува кога жолтата слуз не може да ги измие сите бактерии кои предизвикуваат болест. Црвената или кафената слуз може да значи дека имате крв во носот, што може да биде резултат на повреда, иритација или крварење од носот.

Урина

Идеалната урина има бледа боја, а интересно е што може да варира од бледа до темна во текот на денот. Не треба да се грижите за флуоресцентно-жолтата или портокалово-црвената урина, што може да значи дека сте дехидрирани, сте консумирале премногу витамин Ц или сте јаделе храна со црвена боја како цвекло.

Сепак, некои бои и мириси можат да бидат позагрижувачки и можат да ви помогнат да откриете дали нешто не е во ред. Така, кафеавата урина може да биде знак за порфирија, нарушување што му се заканува на нервниот систем.

Крв во урината значи дека може да се справите со нешто едноставно како инфекција на уринарниот тракт или камења во бубрезите. Портокаловата урина може да значи дека имате проблеми со црниот дроб. Исто така, честото мокрење или непријатност за време на мокрењето може да биде предупредувачки знак за сериозни болести како што е рак на мочниот меур.