Ниското ниво на кислород во авионот во текот на летот може да доведе до влошување на симптомите кај некои луѓе.

Се очекува дека неверојатни 4,7 милијарди луѓе ќе патуваат со авион оваа година, но летањето влијае на нашите тела многу повеќе отколку што создава притисок, па дури и болки во ушите.

Експертот рекол дека летањето може да има значително влијание врз белите дробови, поради намалениот притисок на воздухот.

Се верува дека овој притисок во авионите е 75 отсто од она на којшто сме навикнати, и како таков, може да предизвика проблеми кај некои луѓе.

Д-р Лоренс Канингем, медицински експерт од Велика Британија и пензиониран лекар, вели дека за здрави патници намалениот воздушен притисок обично не предизвикува големи проблеми, бидејќи нашите тела честопати само се прилагодуваат без сериозни компликации, пишува британски „Мирор“.

Но, во врска со тоа, дури и просечниот патник може да доживее некои симптоми на низок воздушен притисок, па така може да се појави непријатност, замор, забрзано работење на срцето или отежнато дишење (краток здив).

Но, пред да започнете да ги откажувате вашите закажани летови, д-р Канингем споделува четири клучни чекори што треба да ги преземете пред да патувате со авион, а кои ќе ви помогнат да се чувствувате поудобно – и да се борите против ефектите од тие намалени нивоа на кислород.

Првиот чекор е да останете хидрирани.

– Воздухот во кабината е прилично сув, а дехидратацијата може да го влоши чувството на недостиг на воздух. Секогаш советувам да пиете многу вода пред и во текот на летот – вели тој.

Следно, ќе посакате да станете и да се движите во текот на летот, бидејќи истегнувањето и движењето помагаат да се подобри циркулацијата и може да помогне во одржување на оптималната функција на белите дробови.

Д-р Канингем, исто така, препорачува да се користи физиолошки спреј за нос пред летот за да се одржат влажни носните премини и да помогнат во одбраната од патогените во воздухот.

Покрај тоа, вежбите за длабоко дишење може да бидат особено корисни во борбата против ефектите од намаленото ниво на кислород.

– Овие вежби помагаат да се подобри капацитетот на белите дробови, но тие исто така ни помагаат да останеме смирени и да ја намалиме анксиозноста, што може индиректно да влијае на нашата ефикасност на дишењето – додава тој.

Меѓутоа, другите патници може да имаат уште поголем предизвик на летот, предупредува лекарот.

– Луѓето со состојби како што се хронична опструктивна белодробна болест или астма може да доживеат влошување на симптомите, како што се кашлица и краток здив (отежнато дишење). Покрај тоа, ниската влажност во кабината може да ги исуши дишните патишта. Ова може дополнително да влијае на белите дробови и да предизвика респираторни симптоми. Поединците со такви состојби треба да се консултираат со својот лекар пред да патуваат со авион, за да разговараат за мерките на претпазливост и потенцијалната потреба од дополнителен кислород во текот на летот – објаснил тој.