ФОТО | Најотровната риба на светот уловена во Хрватска: Нејзиниот отров може да убие 30 луѓе
Седум риби од видот сребренопругаста надуена риба (Lagocephalus sceleratus) во понеделникот беа забележани во близина на островот Цеја во заливот Медулин, а една беше фатена на длабочина од 19 метри и однесена во Истражувачкиот центар на морето во Ровињ, Хрватска.
Оваа информација беше споделена со јавноста на фејсбук-профилот на Аквариум Пула.
„Надуената риба со сребрени риги содржи исклучително силен отров, тетродотоксин, кој поради консумирање може да предизвика сериозни здравствени проблеми и смрт. Тетродотоксинот е најмногу концентриран во гонадите и црниот дроб, но го има и на кожата. Се верува дека доза од 1 до 2 мг е фатална.
Овој вид е инвазивен и е вклучен во т.н лесепски мигранти, видови кои влегуваат во Средоземното Море од Црвеното Море преку Суецкиот канал. Првично, овие риби живеат во тропските региони на Индискиот и Тихиот океан. Поради недостатокот на природни непријатели, оваа риба има негативно влијание врз биолошката разновидност и претставува закана за рибарството бидејќи ги оштетува рибарските мрежи.
„Рибата е уловена и фотографирана од словенечкиот рибар Антон Видовиќ, напишаа на Фејсбук.
Инаку, овој вид на риби припаѓаат на семејството на отровни риби од редот „Тетраодонтиформес“. Биолозите веруваат дека ја развиле својата позната „надуеност“ бидејќи нивниот бавен, донекаде несмасен стил на пливање ги прави лесен плен за предаторите.
Наместо да бега, оваа риба го користи своето еластично тело и способност брзо да внесе огромни количини вода (па дури и воздух кога е потребно) за да се претвори во топка која речиси не може да се јаде и е неколку пати поголема од нивната нормална големина.
Некои видови имаат и боцки на кожата за да ги направат уште помалку вкусни. Предаторот кој ќе успее да ја зграби нема долго да ужива во уловот. Речиси сите содржат тетродотоксин, многу силен невротоксин кој може да предизвика парализа на нервниот и респираторниот систем и да предизвика смрт.
За луѓето, тетродотоксинот е смртоносен, до 1.200 пати поотровен од цијанидот. Има доволно отров во една риба за да убие 30 возрасни, а не постои познат противотров.
