Четири неидентификувани тела биле пронајдени во сабота попладне во реките Купа и Мрежница во близина на Карловац, јавуваат хрватските медиуми.

Првата пријава дошла вчера попладне, кога граѓанин пријавил во полиција дека забележал мртво тело во реката Купа во близина на населбата Срачак во општина Рибник.

Полициски службеници од полициската станица Озаљ излегле на местото на настанот, а припадници на Хрватската противпожарна и спасувачка служба извлекле тело на непознат маж од реката. На местото на настанот е спроведена истрага на лице место.

Подоцна попладне, полицијата добила пријава од словенечката полиција дека уште две мртви тела на непознати мажи се забележани во реката Купа во селото Горни Прилишќе, во општина Нетретиќ. Полициски службеници од полициската станица Дуга Реса, заедно со пожарникари од Словенија, ги извлекле телата на брегот, по што е спроведена истрага на лице место.

Вечерта пристигнала уште една пријава од граѓани, овој пат за мртво тело во реката Мрежница во селото Горни Звечај. Телото на непознатиот маж било извлечено од реката од страна на припадници на Хрватската противпожарна и спасувачка служба, а потоа полицијата спроведе истрага на лице место.

Полициската управа Карловац објави дека се во тек понатамошни кривични истраги и обдукции за да се утврди точната причина за смртта и идентитетот на сите пронајдени.

По увидот на лице место, телата се пренесени на обдукција за да се идентификува и утврди причината за смртта.

Со оглед на тоа што во близина на Горни Прилишќе се пронајдени двајца мртви мажи, полицијата веројатно ќе испита дали ова е поврзано со неодамнешната трагедија во која животот го загубија четворица нелегални мигранти, додека двајца беа тешко повредени.

Станува збор за инцидент за кој стана познат вечерта на 3 мај, кога телата на четири нелегални мигранти беа пронајдени на ливада во Долни Прилишќе, додека двајца други мигранти беа во тешка состојба до нив.

Висок полициски функционер е убиен во хрватско кафуле