Oд година во година во спортската јавност на овие простори се провлекува темата за формирање на Балканска фудбалска лига. Натпреварување какво што е кошаркарската АБА лига.

Колку и љубителите на фудбалот на овие простори да сакааат тоа да се случи на крајот сепак доаѓа до проблеми пред се поради безбедносните ризици кои би ги донеле натпреварите.

По повеќемесечен молк на оваа тема се огласи и претседателот на УЕФА, Александар Чеферин кој денес беше во посета на Белград. Сепак, за жал неговиот заклучук не се разликува многу од претходните.

„Не ја исклучувам можноста за формирање на регионална лига. Сепак во овој момент е многу ризично да се организира таква лига во рамките на нашиот регион“, изјави Чеферин, пренесува „Спортски Журнал“.