Чедвик Боусман постхумно освои „Златен глобус“: Говорот на неговата сопруга расплака многумина
Чедвик Боусман постхумно ја доби наградата за најдобар филмски актер во драма, кој пред шест месеци почина на 43-годишна возраст шокирајќи ги обожавателите ширум светот.
Тој беше награден за главната улога во филмот „Ma Rainey’s Black Bottom“, а наградата во негово име ја прими неговата сопруга Тејлор Симон Ледвард.
View this post on Instagram
Нејзиното обраќање беше најемотивниот говор на вечерта, а многумина на социјалните мрежи признаа дека плачеле додека ја слушале.
Низ солзи, таа рече дека Боусман, доколку беше присутен ќе им се заблагодареше на Бога, на неговите родители и предци, како и на Волф и колегите Глин Турман, Коламан Доминго, Мајкл Потс, Тејлор Пејџ и Дусан Браун.
„Тој би рекол нешто прекрасно, нешто инспиративно што би ги мотивирало сите и би им дал сила и верба да продолжат да ги следат своите соништа, но јас ги немам неговите зборови“, емотивно рече Тејлор.
Taylor Simone Ledward accepts the award for Best Actor in a Motion Picture, Drama on behalf of her late husband @chadwickboseman at the #GoldenGlobes.pic.twitter.com/UOgdLlnA52
— Golden Globe Awards (@goldenglobes) March 1, 2021
„Мораме да го искористиме секој момент да ги славиме оние кои ги сакаме“, додаде таа, уште еднаш заблагодарувајќи им се на сите соработници на Боусман на овој филм.
„Мислев дека веќе го оплакав, но по овој говор сфатив дека имам уште солзи за Чадвик“, „Само за ова вредеше да се гледа доделата на наградите“, „Ова беше еден од најдобрите говори што сум ги слушнал“, „Ова беше неверојатно“, „Ме расплака“, беа дел од коментарите
на социјалните мрежи.
Chadwick Boseman’s wife, Taylor Simone Ledward, accepting his award. ❤️? #GoldenGlobes pic.twitter.com/Gez6qMecFD
— Sylvia (@SylviaObell) March 1, 2021