„ЦЕФТА се докажа како клучен партнер во интеграцијата на регионот во единствениот пазар на ЕУ“, нагласи Данијела Гачевиќ, в.д. директор на Секретаријатот ЦЕФТА, на панелот „Следни чекори – поддршка за регионална интеграција и интеграција со ЕУ“. На овој состанок беше истакната клучната улога на ЦЕФТА во поттикнувањето на трговската соработка, отстранувањето на трговските бариери и спроведувањето на реформите кои го усогласуваат овој регион со стандардите и приоритетите на ЕУ, пишува Политика.рс. Гачевиќ додаде дека напорите веќе донеле конкретни предности за компаниите и граѓаните низ целиот Западен Балкан.

– Намерата е да се изгради регион кој не само што е меѓусебно поврзан, туку и усогласен со стандардите на ЕУ и подготвен да ги искористи можностите што ги нуди Единствениот пазар – рече таа.

На средбата беа истакнати неодамна усвоените ЦЕФТА договори како пресвртница во развојот на Заедничкиот регионален пазар. Овие договори, вклучувајќи ги и оние за е-трговија, испорака на парцели, гео-блокирање, препознавање на програмите на ОЕО, управување со ризик и решавање спорови, ја потврдуваат посветеноста на Цефта за создавање нови можности за компаниите и граѓаните од целиот регион.