Делегацијата на фудбалската репрезентација на Бугарија доживеала тешка сообраќајна несреќа вчера вечерта веднаш по слетувањето во Тбилиси каде треба утре да играат против Грузија во рамки на Лигата на наци, а еден репрезентативец морал да биде итно опериран.

На патот до хотелот каде репрезентативците требало да бидат сместени, возачот за првиот од двата автобуси, загубил контрола над возилото и предизвикал судир. Причината за несреќата била пореди возење со неприлагодена брзина во дождливи услови, а репрезентацијата била превезувана со два помали автобуси. Возачот на едниот автобус возел со поголема брзина од дозволената по влажни услови и ја загубил контролата кога пред него оддеднаш запрел автомобил. Потоа вториот автобус удрил во првиот.

Само това им трябваше на момчетата… Дано Тодор Неделев се възстанови бързо. https://t.co/BnLI26ZmSE

— Petar Cholakov (@P_Cholakov) June 11, 2022

Најлошо поминал репрезентативецот Тодор Неделев кој веднаш бил пренесен во болница и потоа бил опериран. Операцијата траела повеќе од два часа бидејќи дел од стаклото би било забиено во главата.

Како мерка на претпазливост, фудбалерот на Ботев ќе остане во болница во Тбилиси уште една недела.
Останатите фудбалери и членови на стручниот штаб на репрезентацијата на Бугарија се добро.
Натпреварот помеѓу Бугарија и Грузија треба да се игта утре од 18 часот во Тбилиси.