Бугарија: Украинските бегалци мора да ги напуштат хотелите, почнуваат летните одмори

Фото: EPA-EFE/VASSIL DONEV

Десетици илјади украински бегалци кои се во бугарските одморалишта на Црното Море ќе мора да заминат до 1 јуни поради намалените владини субвенции и почетокот на сезоната на летни одмори.

Откако Русија изврши инвазија на 24 февруари, а Украинците почнаа да бегаат од земјата, Бугарија, како и многу други земји од централна и источна Европа, реши да им помогне, да ги прифати и да обезбеди сместување.

Од 97.000 бегалци од Украина кои моментално се во Бугарија, околу 60.000, главно жени и деца, се сместени во одморалиштата, а бугарската држава им обезбедува 40 лева (22 долари) по лице дневно.

Според бугарските медиуми, во недела ќе почне масовното преместување на украинските бегалци од хотелите во кои се сместени.

Повеќе од 20.000 луѓе ќе бидат сместени во државните бази во земјава. Ова го соопшти окружната управа во Варна. Бегалците организирано ќе се превезуваат со возови. Во населените места каде што нема железнички станици, Украинците ќе се превезуваат со воени и приватни автобуси.

Во моментов во хотелите во Бугарија се сместени повеќе од 60.000 бегалци од Украина. Речиси 20.000 од нив решија да ја напуштат Бугарија во наредните денови, јавија локалните медиуми.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот