Бруно Фернандеш во јануари си заминува од Манчестер јунајтед?!
Бруно Фернандеш беше херојот во саботата, откако неговиот гол му донесе победа на Манчестер јунајтед против Фулам и барем малку ги замолкна своите критичари. Но, англиските медиуми пишуваат дека Португалецот повеќе не може да ги поднесе сите овие силни критики и дека е решен веќе во јануари да го напушти клубот.
Манчестер јунајтед не се истакнува премногу оваа сезона, а токму Бруно Фернандеш е на мета на најголеми критики бидејќи многумина велеа дека Португалецот не заслужува да биде капитен на „црвените ѓаволи“ и дека е тотално надвор од форма. Португалецот успеа да ги смири страстите на гневните фанови кои се многу незадоволни од неговите настапи оваа сезона и се чини дека тоа остава голема трага на него.
🚨 Representatives from PIF, who own Al Nassr, Al Hilal, Al Ittihad and Al Ahli, are set to hold talks with Bruno Fernandes over the potential for future negotiations. 🇸🇦
(Source: @RudyGaletti) pic.twitter.com/Cyq0Kt87sF
— Transfer News Live (@DeadlineDayLive) November 6, 2023
Англиските медиуми пишуваат дека тој повеќе не сака да трпи секојдневни критики и дека наводно е подготвен да го напушти „Олд Трафорд“ во јануари.
Негова нова дестинација би можела да биде Саудиска Арабија, „Сан“ пишува дека Бруно му дал зелено светло на агентот да преговара со заинтересираните клубови и дека е подготвен да го спакува куферот во јануари доколку дојде задоволителна понуда.
Наводно најголем интерес покажал Ал Наср каде веќе игра Кристијано Роналдо, но во трката се и Ал Хилал, Ал Ахли и Ал Итихад кои би сакале да го видат Бруно во своите редови, а извесно е дека не чека голема борба кој ќе понуди тој најмногу пари за услугите на Бруно Фернандеш.