Брижит Бардо се опоравува дома откако претходно беше примена во болница поради здравствени проблеми.

Легендарната 91-годишна француска актерка објави дека моментално се опоравува по неодамнешната „мала операција која поминала добро“ и она што го опиша како „сериозна болест“.

Иако не откри детали за болеста или за операцијата, францускиот весник „Вар-Матин“ ја нарече нејзината здравствена состојба загрижувачка. Нејзината прес-служба потврди дека актерката се вратила дома во Сен Тропе по тринеделен престој во болница, објавува „Ролинг Стоун“.

Бардо му се заблагодари на персоналот и на хируршкиот тим на приватната болница Сен-Жан во Тулон, каде што беше сместена за време на лекувањето. Блиски луѓе на глумицата изјавија за медиумите дека актерката моментално успешно се опоравува во својот дом.