16.8 C
Скопје

Британски музички награди: Дуа Липа со две награди, Тејлор Свифт влезе во историјата…

Синоќа се одржа 41-то доделување на британските музички награди – „Brit Awards“ во лондонската арена „О2“ на првиот голем музички настан пред публика која не мораше да носи маска и да внимава на физичкиот простор по повеќе од една година.

Дуа Липа ја доби наградата за најдобар британски изведувач и наградата за најдобар албум за албумот „Future Nostalgia“.

Британската поп-ѕвезда повика на покачување на платите за вработените во Националната здравствена служба, а пред да ги освои наградите изведе микс од нејзините хитови.

Американската пејачка и текстописец Тејлор Свифт е првата жена што ја освои наградата „Global Icon“. Пред неа оваа награда ја добија Дејвид Боуви, Елтон Џон и Роби Вилијамс.

Јас сум навистина горда што сум дел од оваа музичка заедница, особено во годината кога на сите толку многу ни требаше музика“, рече Свифт, која присуствуваше на доделувањето на наградите во Лондон и им оддаде почит на работниците од првата линија во борбата против ковид-19 .

Наградата за најдобар британски изведувач му припадна на раперот Џеј Хас, а групата „Little Mix“ ја доби наградата за најдобра британска група. Тие воедно се и првата женска група што ја освои оваа награда.

Не е лесно да се биде жена во британската поп-индустрија. Видовме доминација на бели мажи, мизогинија, сексизам и недостаток на разновидност“, рече пејачката на групата Ли-Ен Пинок.

Најдобар нов британски изведувач е Арло Паркс, додека најдобар британски сингл е „Watermelon Sugar“ на Хари Стајлс.

 

View this post on Instagram

 

A post shared by mps (@my_favourites_things)

Били Ејлиш и „The Weeknd“ добија награди за најдобри интернационални изведувачи, а „Haim“ за најдобра меѓународна група.

Вечерва се радуваме надевајќи се на посветла иднина… Имаме публика… имаме поп-ѕвезди, се вративме“, рече водителот Џек Вајтхол.

 

View this post on Instagram

 

A post shared by Brit Awards 2021 (@thebrits2021)

Присутните на Британските музички награди мораа да покажат негативен тест за ковид-19 при влегувањето и се обврзани повторно да се тестираат по овој настан.

Музичкиот настан е дел од пилот-програмата на британската влада која анализира дали може безбедно да се организираат големи настани со публика за време на пандемијата на коронавирусите.

Дуа Липа, Арло Паркс и Оливија Родриго беа меѓу изведувачите кои настапија во живо, додека претходно беа снимени и настапи на други.

„Coldplay“ ги отвори наградите, кои вообичаено се одржуваат во февруари, но беа одложени поради пандемијата на коронавирусите. Целата листа на добитници на овогодинешните британски награди можете да ја видите овде.

Поврзани вести

Почина актерот Нед Бити

Слободен печат

ВИДЕО | Томас Маркл ја обвини Опра Винфри: Таа ги искористи Меган и Хари за да создаде ново популарно шоу

Слободен печат

Дали по стапките на Џенифер Лопез и Џоли се врати во прегратките на старата љубов? Анџелина и Џони Ли Милер се старо – новиот холивудски пар

Слободен печат

Воспаление на срцевиот мускул кај помлади мажи од мРНА вакцините почесто од очекуваното

Слободен Печат

Дневен хороскоп за 14 јуни: Имате повеќе идеи отколку време, треба подобро да се организирате

Слободен Печат

Виц на денот: Рефреш

Слободен печат

Остави Коментар