Македонскиот ракометен стратег Данило Брестовац продолжува да реди успеси надвор од домашната сцена, овојпат оставајќи силен печат на Блискиот Исток. Предводејќи го катарскиот состав Ал Араби, тој успеа предвреме да ја осигура шампионската титула во националното првенство.

Со речиси перфектен учинок од 16 победи и само еден пораз, Ал Араби изгради убедлива предност на табелата, оставајќи го зад себе Ал Духаил со недостижна разлика уште пред последното коло.

Овој трофеј има дополнителна тежина ако се знае дека станува збор за еден од најреномираните клубови во Катар, каде конкуренцијата е сериозна.

Но, амбициите тука не застануваат, Ал Араби сега влегува како прв фаворит и во куп-натпреварувањето, каде македонскиот тренер ќе се обиде да ја комплетира сезоната со освојување на двојната круна.