Актерот Бредли Купер призна дека бил зависник од кокаин и алкохол пред да стане светски познат по неговата улога во филмот „The Hangover“.

Купер беше гостин во подкастот „Smartless“, а разговорот го водеа Џејсон Бејтман, Вил Арнет и Шон Хејс. Тој откри дека сфатил дека има „проблем со дрога и алкохол“. Сè започнало кога Купер почнал да ги добива своите први улоги по дипломирањето на „Actors Studio Drama School“ во Њујорк, САД.

„Бев толку изгубен… Бев зависник од кокаин. Тоа се случи веднаш откако дадов отказ или ме отпуштија од серијата „Alias“, рече актерот, додавајќи дека се борел со „недостаток на самодоверба“.

 

View this post on Instagram

 

A post shared by Bradley Cooper (@bradleycooper__original)

„Имав среќа тоа се случи кога имав 29 години. Мислев дека успеав кога ја добив рекламата за „Wendy’s“. Но дефинитивно не го чувствував тоа. Кога се преселив во Лос Анџелес за серијата „Alias“, се чувствував како да се вратив во средно училиште – не можев да влезам во ниту еден клуб, ниту една девојка не сакаше да ме погледне. Бев тотално депресивен“, изјави актерот.

It’s time for a spicy-hot Episode 100 of SmartLess with special guest, Mr. Bradley Cooper. @SmartLess @SeanHayes @batemanjason @arnettwill

“SmartLess” is available one week early & ad-free with Wondery+ on @ApplePodcasts or the @WonderyMedia app, and early on @amazonmusic. pic.twitter.com/IFMZmZuUF5

— “SmartLess” (@SmartLess) June 13, 2022

„Тоа всушност беше случај до „The Hangover“. Имав 36 години кога работев на „The Hangover“, па морав секојдневно да поминувам низ сите тие работи пред воопшто да ме стигне славата. Значи, сето тоа се случи пред сето тоа“, продолжи Купер.

Филмот „The Hangover“ се појави во 2009 година, а Бредли рече дека половина деценија порано сфатил дека е на „пат на уништување“. Тој раскажа дека во јули 2004 година Вил Арнет отишол во неговиот дом за да види дали е добро, а кога сфатил дека Купер не ги прошетал своите кучиња цел ден, се загрижил за за неговата ментална состојба.

„Тогаш првпат сфатив дека имам проблем со дрогата и алкохолот. Тоа што ми го кажа Вил, никогаш нема да го заборавам. Тоа ми го смени целиот живот. Дефинитивно направив големи промени од 29 на 34 години, кога можев барем да застанам пред некој и да дишам, слушам и разговарам“, рече Купер.

Актерот откри дека поради Вил решил да го промени својот живот, благодарение на него, Купер станал еден од најбараните актери во Холивуд.