Габриел Барбоса (27) во светот на фудбалот познат како „Габигол“ е казнет откако се обидел да им се вмеша на службениците на антидопинг агенцијата и не ги почитувал процедурите.

Напаѓачот на Фламенго беше суспендиран на две години и беше обвинет дека го прекршил членот 122 од антидопинг кодексот на Бразил, кој се смета за измама или обид за измама во случај на контрола.

Максималната казна е четири години суспензија, двојно повеќе од она што го доби. Се верува дека Бразилецот го отежнал извршувањето на контролата, што се смета за обид за измама.

Gabigol suspended for 2 years following attempt to deceive anti-doping control#anti-doping #doping #FabrizioRomano #Flamengohttps://t.co/CLHmXkfwsU

— Business Upturn (@businessupturn) March 26, 2024

Во еден од случаите се вели дека доцнел со извршување на контролите и дека не ги почитувал упатствата. Во извештајот се наведува дека фудбалерот пред тренинг не се обратил до персоналот одговорен за тестот – кој го имале сите негови соиграчи, по активноста ги игнорирал и отишол на појадок, не следејќи ги процедурите кои му биле покажани.

Поранешниот играч на Интер тврди дека бил „изненаден од одлуката“, бидејќи „немало измама, ниту обид“. Тој ќе поднесе жалба на одлуката која доколку ништо не се промени ќе трае две години.

„Габигол“ ќе биде надвор од терените од 1 април, пишува каталонскиот весник „Мундо Депортиво“.