Родриго, фудбалерот на Реал Мадрид и бразилски репрезентативец, заработи сериозна повреда на натпреварот на „кралскиот клуб“ против Хетафе.

Според шпанските медиуми, Родриго, откако влезе во игра во 54 минута, остана да лежи на теренот по стартот во последните минути од натпреварот.

Брзо му беше укажана помош, но дополнителните прегледи го потврдија најголемиот страв на навивачите – Бразилецот претрпе скинат лигамент на десното колено.

Како резултат на тоа, сезоната е завршена за него, и тој нема да игра за Реал во продолжението на борбата за трофејот во Лигата на шампионите (по што следува двомеч против Манчестер сити), и Ла Лига, каде што заостануваат четири бода зад Барселона, но тоа не е сè.

Имено, Родриго ќе го пропушти и Светското првенство во САД, Мексико и Канада, каде што Бразил ќе биде во групата Ц со Мароко, Хаити и Шкотска.