Момците од „Браво бенд“, како што најавија продолжуваат да создаваат нови нумери, а нивната највона песна е насловена „Те љубам“. Во неа се зборува за една изгубена љубов која е посилна од сè.

Текстот и музиката се на Весна Малинова, а аранжманот на оваа поп-балада е со потписот на Јован Лазаревиќ – Тукс и Милан Мијаловиќ. Песната и видеото за истата се веќе објавени, а кадрите за видеото беа снимени на повеќе во Битола и на Пелистер.

– „Те љубам“ е композиција за која е снимена и српска верзија и истата според најавите во етерот ќе биде пуштена во текот на следната недела, а доаѓа по одличните „Катаклизма“ и „Љубав преко мреже“. Како што и ветивме на промоцијата на „Љубав преко мреже“ овој пат сакавме на јавноста прво да ѝ ја претставиме македонската верзија. Ветивме и дека ќе нè има повеќе, па се трудиме и тоа ветување да го одржиме. Сакаме и да бидеме што е можно стилски поразлични затоа што освен што свириме сè, сакаме во нашиот опус буквално да има за секого по нешто“, велат момците од „Браво бенд“.