Ракометарите на Извиѓач од Босна и Херцеговина денеска остварија голем успех во Чешка, обезбедувајќи пласман во полуфиналето на ЕХФ Европскиот куп.

Откако ја победија Карвина со 36:31 во првиот натпревар од четвртфиналето во Босна и Херцеговина, на реваншот Чесите беа подобри со 34:29 во реваншот во салата Карвина-Нове Место, па патникот во следната фаза се дозна по изведувањето на седмерци.

По голема драма, екипата на Извиѓач славеше со 7:6 на пенали, а херој на Босанците беше голманот Кнежевиќ кој успеа да одбрани седмерец во 13 серија.

Во полуфиналето, Извиѓач ќе игра против унгарската Татабања на македонскиот ракометар Филип Талески. Татабања, по ремито дома во првиот меч (31:31), на возвратниот дуел на гости славеше со 37:35 на турскиот Нилуфер, а во победата македонскиот ракометар Талески постигна три гола.

Потсетување, во второто полуфинале македонскиот претставник ГРК Охрид за ривал ќе го има Целје од Словенија.