Боатенг две години со „виолетовите“
Како досегашен член на Сасуоло (пет голови во 15 настапи), Боатенг беше на позајмица во Барселона каде што одигра само четири официјални натпревари во вториот дел од ланската сезона.
Играчот од средниот ред, кој може да придонесе и во делот на нападот своевремено настапуваше уште за Херта, Тотенхем, Борусија Дортмунд, Портсмут, Милан, Шалке, Лас Палмас и Ајнтрахт Франкфурт.
Со „росонерите“ успеа по еднаш да ги освои трофеите во Серија А и Суперкупот на Италија, потоа германскиот куп со Ајнтрахт, како и шампион со Барса во „Ла Лига“.
Клубот плати еден милион евра за неговите услуги, со „виолетовите“ потпиша договор на две години.