Претседателот на Црна Гора, Мило Ѓукановиќ, зборувајќи дека спорниот Закон за слобода на вероисповед е позитивно оценет во Европа, е во спортива на последниот извештај на Советот на Европа (СЕ), кој констатира дека во законот има нејасностии и дека властите во Подгорица не ги дале потребните одговори, пишува српски „Блиц“.

Српскиот медиум наводно имал увид во документот на Советот на Европа, а кој претставува следење на Црна Гора како членка дали ги почитува должностите и преземените обврски. Во таканаречениот постмониторинг, освен во деловите за борбата против корупцијата, почитувањата на човековите права, има и дел кој се занимава со Законот за слобода на вероисповед. Документот е составен пред усвојувањето на законот во Собранието на Црна Гора.

Во документот се наведува дека не се јасни одредени одредби, а во кои црногорските власти ја уверувале Венецијанската комисија, која беше последна пречка пред усвојување на законот. Известувачите на СЕ истакнале, исто така, дека практично е нејасен самиот концепт на законот и токму неговиот дел околу имотот и прашуваат – „зошто е потребен пренос на сопствеништвото ако преносот во принцип не вилијае на користењето на имотот од страна на верските заедници“.

Како што пишува „Блиц“, литиите и молебените не престануваат од последните денови на минатата година откако законот стигна во црногорскиот парламент, а потоа беше и усвоен, многу луѓе се собирале на улиците ширум целата земја и мирно го покажувале незадоволството од усвојување на истиот.